Jasprit Bumrah ki captainship me Indian team aa gayi hai Ireland aur sabko pata bhi chal gaya hai. Jasprit Bumrah ne wapsi karte hue jabardast bowling ka pradarshan kiya hai. Baaki bowlers ne bhi khub sath diya. India ki batting unit ne kaafi samajhdari wala khel dikhaya is India vs Ireland 1st T20 me.
Toss jeetkar pehle bowling karne utri Indian team ke Captain Jasprit Bumrah se pehli bowl par chowka kha ke agli 5 ball me 2 wicket jhatke. Unke baad Prasidh Krishna aur Ravi bishnoi ne bhi wicket lagatar antaraal se giraye. 5-6 wicket jaldi girne se Ireland ki batting team jyada nahi khel dikha saki lekin unki 7th wicket partnership ne score ko 140 ke paar pahunchaya. Arshdeep Singh ko bhi wicket mila lekin unka aakhri aur match ka 20th over kaafi mehnga raha.
Jawab me batting karne utnre Yashasvi Jaiswal aur Rituraj Gaikwad ne sambhal kar khelna shuru kiya aur kuch acche shots bhi khele. Bina wicket ke team ka score 40 run ke paar pahunch gaya. Barish ki wajah se sabki nazar DL ke hisab se runs par bhi thi. Young ne apne ek over me opened Yashasvi aur Tilak Verma (0) ko out kiya. Lekin score baarish aane tak 47 tha aur DL ke hisab se Bharat 2 run se aage tha.
Barish ruki nahi aur match India ne jeet liya. Man of the match rahe Indian team ke captain Jasprit Bumrah jinhone sirf 24 run dekar 2 wicket liye. Agla match 20 August ko hoga.