IPL Mega auction hone ja raha hai aur ye dusri baar hoga ke auction Bharat se bahar hoga. To chaliye jaante hain IPL auction date, venue aur live stream ki saari jaankari.
IPL 2025 ka mega auction pehle hone wala tha 24 aur 25 November ko dopahar me 3 baje lekin abhi nayi khabar ye hai ke samay me thoda badlaav kiya gaya hai. Hum aapko bata dete hain ke kya hai saari jankaari IPL mega auction ki.
IPL 2025 Auction date aur time :
Auction shuru hoga 24 november ko dopahar 3:30 baje se aur 25 november ko bhi ye hi samay rahega nilaami shuru hone ka. Pehle ye samay tha 3 baje lekin isme badlaav kiya gaya hai. Samay me badlaav isliye kiya gaya hai taaki log India vs Australia ka pehla test match jo ki 22 tarikh se shuru hua hai wo dekhne ke baad auction ko dekh paayen. Match me agar bad light ho jaati hai toh match 3:30 tak bhi chal sakta hai isliye nilami ka samay 3 baje ki jagah 3:30 kiya gaya.
IPL 2025 Mega auction Venue :
IPL 2025 ki nilaami hogi iss baar Bharat ke bahar, Jeddah me jo ki Saudi Arabia me hai. Aur jis jagah hogi uska naam hai Abady Al Johar Arena jisko Benchmark Arena ke naam se bhi jana jata hai.
IPL mega auction me kitne players ki lagegi boli :
Iss baar 2025 IPL mega auction me register kiya tha duniya ke 1574 players ne lekin boli lagne ki final list me hain 574 players. Isme se 366 Indian players hain aur 208 videshi khiladi jisme 3 associate nations ke bhi khiladi hain. Uncapped yaani ke wo jinhone apne desh ki team ke liye cricket nahi khela hai usme 318 Indian players hain aur 12 videshi. To saare mila ke 204 khiladiyon ki jagah hai jo 10 team bharengi aur usme se 70 videshi khiladi honge.
Boli lagwane ka kaam kiska :
2024 ki tarah hi iss baar bhi Mallika Sagar hongi jo ye nilami karwayengi IPL 2025 mega auction me. Unhone 2024 me Hugh Edmeades ki jagah li thi.
Kaunse TV channel par dekhen :
IPL 2025 me players ki nilaami ko aap live dekh sakte hain Star Sports par. Star Sports jo ki Indian Premier League ke braodcast partner bhi hain.
Online kahan dekhen :
IPL 2025 mega auction ko online dekhne ke liye aap Jio Cinema app aur website par bhi dekh sakte hain