Bangladesh ab wo choti team nahi rahi jise koi bhi hara dega. Ab Bangladeshi team badi badi team ko patkhani denewali team ban gayi hai. Pehle India aur ab England ko limited over me hara ke unhone ye saabit kar diya. Bangladesh vs England T20 series me 2-0 se aage hone ke baad wo ab sirf 3-0 ka hi sapna dekhenge.
England team ne socha bhi nahi hoga ke unke sath aisa bhi hoga. England team jo ki vishwa vijeta hai aur abhi kuch mahine pehle hi bane hain. England ki team ke paas bangladesh ke bowlers ka koi jawab nahi tha. Bangladesh ne bahut hi badhiya bowling ki hai. Hasan, Mehidy, Shakib aur Taskin sab ne hi acchi bowling kar ke dikhayi aur apni team ko series jitayi hai.
Haan abhi tak Bangladesh ka dabdaba unke desh ke bahar ja kar itna nahi dikha hai. Lekin jis tarah se wo khelte hain toh wo din bhi dur nahi lag raha. England is series ki haar ko jaldi bhula nahi payega aur koshish karega ke aakhri match me harne se bache aur 2-1 ke sath series khatam kare.