Wahan koso dur SriLanka ki New Zealand ke haatho hui haar aur khushiyan manayi ja rahi hain Bharat me. Aur manaye bhi kyun na aakhir WTC Final me lagatar dusri baar jagah banayi hai Indian Team ne. Pichli baar New Zealand se haar kar khitaab se dur rehna pada tha lekin iss baar Indian Team koi kasar nahi chodegi. Indian Team WTC Final Qualification ko lekar kaafi intezaar bana hua tha aur sab kuch SL vs NZ series ke natije ke bharose tha.
Jaise hi New Zealand ne aakhri ball par 1 run banaya waise hi Bharat me khushi ki lehar daud padi. NZ vs SL match bhi kaafi romanchak raha aur aakhri ball tak gaya. Kane Williamson ne jabardast batting karte hue apni team ko jeet dila di.
Ye dusra mauka hai haal filhaal me jab aakhri ball tak New Zealand team ka test match gaya aur jeet mili. India vs Australia Test series ka aakhri match toh draw ki taraf chala gaya aur India ne series 2-1 se jeet li.
Ab dono test team milengi WTC Final me jo ki hoga 7 June 2023 ko England me. IPL ke baad seedha England ke liye rawana hogi Bhartiya team. Aur IPL se pehle abhi Aus vs Ind ODI series bhi baaki hai.
Shreyas Iyer ka ODI series me khelna pakka nahi lag raha kyunki unki peeth me chot aayi hai.