Srilanka vs New Zealand ke test match series ka result batayega ke WTC final me India jayega ya nahi. Filhaal jo haal aaj ke Aus vs Ind match ka hai aur SL vs NZ match ka hai uske hisab se toh India ka jana hi pakka lag raha hai.
SL ne match ke teesre din ka khel khatam hone tak 65 run ki lead toh le li hai magar 3 wicket gir chuke hain. Agar SL team 200 run tak pahunch bhi jati hai toh New Zealand ke liye lakshya mushkil nahi hoga. Pehli innings me jis tarah ka khel raha hai NZ ka uske hisab se ye match SL ki pakad se chhut jayega.
SL ko agar WTC final me jagah banani hai toh NZ ko 2-0 se harana hoga. Lekin filhaal Srilanka ka khud ka harna tay lag raha hai pehle match me. Aur Agar India ne Australia ke sath ye match draw kar liya toh fir India ko sirf SriLanka ki ek haar hi kaafi hai.
Teesre din ka khel khatam hone tak Mathews aur Jayasuriya not out khel rahe the aur 83-3 score tha. Tickner ne 3 wicket le liye hain aur kal subah aur bhi wickets unke khate me jaate hue dikh rahe hain.